یاران مزگانی، مەۆلوود ئاماوە
         پەی جەژن ئازییز، چەم بەۆ تەماوە
چێش کەروو ئازییز، ئینە چەن ساڵەن
   وەشوو شایوو زەۆق ،بێ ڕنگەن ،کاڵەن
ئامای بمەلەرزە، تا کرۆنای شووم
     ساڵێ بە بەزمێ، کۆرەن ئاروو دووم
ئازییز، هەزار جار خەجاڵەت بە وێم
        ئیساڵ کرۆنا، دیسان بەستەن ڕێم
عاڵەم سەرانسەر, گیرەن بیمارەن
    دەردێ بێ دەرمان, شێتەن،هەم هارەن
کام سپاۆ هێزەن، وێش بە زل زانۆ
         جە دەس کرۆنا ،هەی ئامان وانۆ
ئازییز، هاوارەن، شینەن، زارییەن
           ئەدا جە ڕۆلە، پا فیرارییەن
ئەۆسا باۆەبێ، گیان گیان، نەک ڕۆ ڕۆ
       کەس نەبێش باوەڕ ،واچێ چەنی بۆ
ئازییز، مەوارۆ ،پەی پەی نەهامەت
           دییەما بە چەم ،سیمای قیامەت
ئەر جەژنە نەۆیە ،دڵ نەبۆ حەزیین
          بێ مەیلی نییەن، جە تاوی کزیین
وێت خاس مەزانی، جە عام دیارییەن
     سەرە جۆی ،مەۆلوود، کۆردە وارییەن
تاگیان مەنە بۆ، جە کۆردەواری
کەرمێش بە خەڵات ،پەی تۆ بە دیاری
نجاری نیەنش، جە گیان شیرین تەر
      ئەمرە فەرماوی، جەتەن مارۆش بەر
     

        (نجاری) ۱۳۹۹٫۷٫۲۷

***********************************

نمونه هایی ازااشعارکاک اسماعیل شریفی:

(ئازییز (ص )هەواڵێ)

ئازییز بە گیانت, دەروون ئەۆگارەن 
       دڵ وڕکش کەردەن, تەمای دییدارەن
تخوا جارێوەتەر, قەدەم ڕەنجە کەر
     جە گەرمە وەرمێ ,بکەرەم ئەۆ سەر
بەڵکوو جارێۆ تەر ,بویینوو باڵات
     کاڵای مەحبووبی, بکەرام خەڵات
ئازییز هەۆرامان ,فەسڵش پاییزەن
       هەواش وەهارەن, چەژنی ئازییزەن
خەڵکان جەیانە, ئەسییرەن بەندەن
    کرۆنا ڕیشەی, شادیمان کەندەن
دڵ مژنە کەرۆ, پەی مەۆلوود تۆ
   خەڵک جە شار تەیری ،مەنزڵ بیەن کۆ
مەردەی نزیکەن، ئامان بێخی گۆش
     برا  براۆ وێش، کەردەن فەرامۆش
   بەڵان ،ئازارەن، یان ئەێری سوورەن
     قەدیمان واتەن ،ئەیر جە ویم دوورەن
چانەی خرابتەر، خەوەرێ ئامان
     ئەداۆ غەمانەن ،سەرباشقەی زامان
جەشار پارییس، گەۆریوە نەفام
  ناکەسێ نەزان،جە سیاسەت خام
بە سووکی بەردەن ،نامێ پاکی تۆ
      پێسەن سپڵۆتی، جە مانگی وڕۆ
ئازییز گیان بەخشەم ،بێ عەیەبیم کەرد
    نامێۆ ئینسانێم، بەبێ عەیەب بەرد
زانوو فەرموودەی پاک کەلامەن
      جواوەۆ نادانی،  بێ شەک سەلامەن
وەسیەتوو وێتەن ،عەیەب چەن ئەخلاق
     بە کەس نەواچمێ ،نامەرد قۆڕم ساق
پەۆچی نامێۆ تۆ ،جە عاڵەم تاقەن
     سەرگۆڵوو دیینیت، ماناش ئەخلاقەن
ئازییز با ناحەز، واچۆت مەتەڵەک
       ڕەفعنا پەی تۆن، چەن لەکە زکرەک

ئارۆ جە عاڵەم ،شا باسەن، عامەن 
    نامێ مۆحەممەد( ص )ئەوەڵین نامەن
      
       (  نجاری)۱۳۹۹/۸/۱۰

********************************

(دیداری دۆس) 

رۆژێک لە رۆژان، موسا لە گەڵ خوا
       لە سەر کێوی توور، ئەۆ کەۆتە نەجوا
خۆتم پییشاندەر، یا ڕەب ئەرانی
       فەرمووی جۆرنابێ، بە لەم تەرانی
فەرمووی ئەی کەلیم، بەجێ بێڵە یاڵ
          نەکای بسووتی، بیتە کۆی زۆغاڵ
ساتێ خۆی دەرخست، لەبۆ کێوی توور
        لە کێۆ هەڵگیرسا، گسپەی ئاری سوور
کێۆ هاتە شییوەن، سووتام بێ تاوان
        ڕەنگم ڕەش گەڕا، بووم پەنی کێوان
فەرمووی خەڵاتت، تەلارەۆ و دییوان
         ئەتکەم سۆرمەۆ کڵ، بۆسۆمای چاوان
         (نجاری)

*********************************

( پاڕانەوە ) 

خۆا گیان چێش کەروون، چەنی دڵەی تەنگ
      جارجار، چوون موومەن، جارانیش چوون سەنگ
بازێ جار، مەزەی بەندەگییت لێشەن
        جاران ساردوو سڕ، ناهمێوی  پێشەن
جاران جە تاعەت، بە وێم، کەروو فییز
       جارجارێ جە وێم، مەکەروونە  قییز
قەسەم بەزاتت، یەکتای یەگانە 
      وێم جەوێم مەدۆ، تەشەر و تانە
زۆران بازییمەن، چەنی نەفسی شووم 
          گەرکشەن بەزنۆم، جەی عایەتوو خووم
ئەسڵەحەۆ شانیم، تۆبەۆ ئیستغفار 
     نەفس چەنی شەیتان، کەروو  تاروو مار
سەڵوات پەی ئازییز، وردوو  زوانییم بۆ
               کام ناحەز تاوۆ  پاتەکڵانیم دۆ
بەڵام مشێۆ تۆ، بە فەزڵوو کەرەم
         دەسەۆ ڕەحمەتی، کێشی سەر سەرەم
بەڵکوو چی ئاخر نەهامەت بۆ دوور
        سەرشۆڕە نەبوو، ڕووم بۆ، بەۆ حزوور 
دڵ گەرمە تۆبەن، زۆان شیینوو زاری
              یارەب قبووڵکەر، تۆبەی نجاری

(نجاری) /25/12/1398

**********************************

ئازییز دیارەن وادەی لوامەن
     ئەلوەدای ئاخر ئەوە نامامەن
          ( مەولەوی) 

ڕاست فەرماوا شەهەنشای هەڵبەست
       پەی سەیقەلی دڵ شێعرت باڵادەست
ئەمنێش تۆ ئاسا وادەی لوامەن
      هێڵای نەفامام ڕاگەی ڕاس کامەن
سەر سفید بییەن چۆن وەفری سەرکۆ
      ئەژنووم وشکە دار پام نمەچەمێۆ
چوون بەلۆعەی شڕ هەڵس مەوارۆ چەم
       دووربینەکەی چەم دیدەن کەردەن کەم
زووزەۆ گۆشەکام چوون سووتی داوەر
       فیکەۆ گیزەشەن ماچی سەماوەر
شانوو قۆڵ کارشان یاوان لەرزە لەرز
          دەس تیکە پەی دەم سەخت مەکەرۆ بەرز
کۆگاۆ قژەکام بییەن تاکوو تراک
       خەیاڵات کەم کەم جە زەن مەۆۆ پاک
ئیسە حاڵی بییم وادەی لوامەن
      ناگا سۆبحێ زوو ئەوە نامامەن
هەی داد مەواچان لوا نجاری
       سۆقاتش نەبێ بەرۆش پەی دیاری

اسماعیل شریفی (نجاری) 1398/9/22

********************************

لوانێ قەدییم شار مدرام بە پاوە
تێر کەردم سەییروو تەماشای پاوە
بە عەزرەت کەردم نگای خانەگا
بەهەشت مەنمانۆ ئا کۆنە دگا
ئاتەشگا سەفای قەدییم مارۆ ویییر
پشت بەماکوان ڕوو کەردەن وییمیر
قەدییم دانایان زانای تۆی ئەحواڵ
بەیان فەرماوان وەسفی کۆیمەکاڵ
پاوە سەراسەر کەلیان ئەۆ کەلیان
حەیفەن بۆ یاگەی تەپوو دووی قلیان
(نجاری)